Tund-KHui Pe Tanz Kar Jaun
tund-KHui pe tanz kar jaun
ban ke KHushbu hawa ke ghar jaun
dushman-e-jaan nafas nafas mera
dhul ka phul hun kidhar jaun
tu bhulae to kya bhulae mujhe
nashsha hun kis tarah utar jaun
KHud ulajhta hun KHud sulajhta hun
kuchh nikhar jaun kuchh sanwar jaun
jism aur ishq ke hawale se
main teri ruh mein utar jaun
but ko dekha to but hua 'KHalid'
ji mein tha dekh kar guzar jaun
Khalid Ahmad 
(512) Peoples Rate This