کچھ بچا لے ابھی آنسو مجھے رونے والے
کچھ بچا لے ابھی آنسو مجھے رونے والے
سانحے اور بھی ہیں رونما ہونے والے
وقت کے گھاٹ اتر کر نہیں واپس لوٹے
داغ ملبوس مہ و مہر کے دھونے والے
دائم آباد رہے دار فنا کے باسی
فکر میں روح بقایاب سمونے والے
تھرتھراتی رہے اب خواہ ہمہ وقت زمیں
سو گئے خاک ابد اوڑھ کے سونے والے
جس پہ بھی پاؤں دھرا میں نے اسی ناؤ میں
آئے آثار نظر خود کو ڈبونے والے
اب لیے پھرتا ہے کیا دامن صد چاک اپنا
کیا ہوئے اب وہ ترے سینے پرونے والے
جا نکلتا ہے اچانک وہیں رستہ میرا
در پئے پا ہوں جہاں خار چبھونے والے
گرد ہے ہاتھ میں ان کے مری کشت زرخیز
خار و خس سے جو علاوہ نہیں بونے والے
یہ بھی اک طرفہ تماشہ ہے کہ ہیں اندھیارے
ریشۂ شب میں ستاروں کو پرونے والے
کر گئے خشک بھری جھیل تأسف کے کنول
سوکھ کر کانٹا ہوئے رات بھگونے والے
دے گیا ہے جو ہمیں عہد مراسم اس کا
اس خزانے کو نہیں ہم نہیں کھونے والے
خاور جیلانی 
(1020) ووٹ وصول ہوئے
Kuchh Bacha Le Abhi Aansu Mujhe Rone Wale In Urdu By Famous Poet Khaavar Jilani. Kuchh Bacha Le Abhi Aansu Mujhe Rone Wale is written by Khaavar Jilani. Enjoy reading Kuchh Bacha Le Abhi Aansu Mujhe Rone Wale Poem on Inspiration for Students, Youth, Girls and Boys by Khaavar Jilani. Free Dowlonad Kuchh Bacha Le Abhi Aansu Mujhe Rone Wale by Khaavar Jilani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends