چلتے چلتے راہوں سے کٹ جانا پڑتا ہے
چلتے چلتے راہوں سے کٹ جانا پڑتا ہے
ہوتے ہوتے منظر سے ہٹ جانا پڑتا ہے
دیکھنا پڑ جاتا ہے خود کو کر کے ایک تماشائی
اپنی دھول اڑا کر خود اٹ جانا پڑتا ہے
خطاطی سے دور بھٹکنے والے سوچ کے دامن کو
کورے کاغذ کے ہاتھوں پھٹ جانا پڑتا ہے
سازینہ جب قدم بڑھاتا ہے اس کی پازیبوں کا
کانوں کو جھنکار کی آہٹ جانا پڑتا ہے
خواہش مر جائے تو اس کی چتا کو آگ دکھانے میں
دھڑکن دھڑکن دل کے مرگھٹ جانا پڑتا ہے
تاب نہیں ہو جس میں کانچ کو ریزہ ریزہ کرنے کی
اس پتھر کو ٹکڑوں میں بٹ جانا پڑتا ہے
خود کے متلاشی کو ایک نہ اک دن آخر کار اپنے
بھولے بسرے ہوئے کی چوکھٹ جانا پڑتا ہے
سچائی وہ جنگ ہے جس میں بعض اوقات سپاہی کو
آپ مقابل اپنے ہی ڈٹ جانا پڑتا ہے
اک چنگاری آگ لگا جاتی ہے بن میں اور کبھی
ایک کرن سے ظلمت کو چھٹ جانا پڑتا ہے
بات ریاکاری کے بن بن پاتی نہیں ہے خاورؔ
اس دوزخ میں کروٹ کروٹ جانا پڑتا ہے
خاور جیلانی 
(879) ووٹ وصول ہوئے
Chalte Chalte Rahon Se KaT Jaana PaDta Hai In Urdu By Famous Poet Khaavar Jilani. Chalte Chalte Rahon Se KaT Jaana PaDta Hai is written by Khaavar Jilani. Enjoy reading Chalte Chalte Rahon Se KaT Jaana PaDta Hai Poem on Inspiration for Students, Youth, Girls and Boys by Khaavar Jilani. Free Dowlonad Chalte Chalte Rahon Se KaT Jaana PaDta Hai by Khaavar Jilani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends