Har Gam Badalte Rahe Manzar Mere Aage
har gam badalte rahe manzar mere aage
chalta hi raha koi barabar mere aage
kya KHak meri KHak mein imkan ho paida
napaid hain maujud-o-mayassar mere aage
yun dekhne walon ko nazar aata hun pichhe
rahta hai masafat mein mera ghar mere aage
rakhti hai ajab pas meri tishna-labi ka
so mauj uThati hi nahin sar mere aage
hansta hi raha main dar-o-diwar pe apne
rota hi raha mera muqaddar mere aage
kal raat jagati rahi ek KHwab ki duri
aur nind bichhati rahi bistar mere aage
waqif hi nahin koi in aankhon ki rawish se
kam kam jo khula karti hain aksar mere aage
dekhe hi nahin main ne kabhi aankh mein aansu
pahna hi nahin us ne ye zewar mere aage
'ghaer' main kai roz se KHamosh hun aisa
goya nazar aate hain ye patthar mere aage
Kashif Husain Ghair 
(671) Peoples Rate This