Shor Hai Har Taraf Sahab Sahab
shor hai har taraf sahab sahab
saqiya saqiya! sharab sharab
aab-e-haiwan ko mai se kya nisbat
pani pani hai aur sharab sharab
rind baKHshe gae qayamat mein
shaiKH kahta raha hisab hisab
ek wahi mast ba-KHabar nikla
jis ko kahte the sab KHarab KHarab
mujh se wajh-e-gunah jab puchhi
sar jhuka ke kaha shabab shabab
jam girne laga to bahka shaiKH
thamna thamna kitab kitab
kab wo aata hai samne 'kashfi'
jis ki har ek ada hijab hijab
Kashfi Multani 
(1218) Peoples Rate This