ہے برہم پھر مزاج ان کا دل ناکام کیا ہوگا
ہے برہم پھر مزاج ان کا دل ناکام کیا ہوگا
یہی صورت رہی تو عشق کا انجام کیا ہوگا
خلش دل میں جگر میں درد لب پر مہر خاموشی
یہ صورت ہے تو پھر مجھ کو بھلا آرام کیا ہوگا
یہ بزم ناز ہے اے دل یہاں بہتر ہے خاموشی
سنا کر ان کو اپنا قصۂ آلام کیا ہوگا
یہی ہے زہد کا عالم تو پھر اے حضرت ناصح
شراب حوض کوثر کا چھلکتا جام کیا ہوگا
ابھی سے آنکھ میں آنسو ہیں لب پر آہ دل میں درد
یہ آغاز محبت ہے تو پھر انجام کیا ہوگا
خدارا یہ بھی سوچو اے چمن کے چھوڑنے والو
ہیں جو صحن چمن میں ان کا اب انجام کیا ہوگا
کوئی بدنام ہو جائے تو اس کو بھی بہت سمجھو
ہے یہ دوری خودی اس میں کسی کا نام کیا ہوگا
ابھی تو شب ہے آؤ پیار کی باتیں کریں ہم تم
ابھی سے کیوں یہ سوچیں صبح کا پیغام کیا ہوگا
جدھر دیکھو ادھر ظلمت نظر آتی ہے اے کشفیؔ
سحر کا رنگ ہے جب یہ تو رنگ شام کیا ہوگا
کشفی لکھنؤی 
(882) ووٹ وصول ہوئے
Hai Barham Phir Mizaj Un Ka Dil-e-nakaam Kya Hoga In Urdu By Famous Poet Kashfi Lucknavi. Hai Barham Phir Mizaj Un Ka Dil-e-nakaam Kya Hoga is written by Kashfi Lucknavi. Enjoy reading Hai Barham Phir Mizaj Un Ka Dil-e-nakaam Kya Hoga Poem on Inspiration for Students, Youth, Girls and Boys by Kashfi Lucknavi. Free Dowlonad Hai Barham Phir Mizaj Un Ka Dil-e-nakaam Kya Hoga by Kashfi Lucknavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends