بھگوان کرشنؔ کی تصویر دیکھ کر
مجھے تیرے تصور سے خوشی محسوس ہوتی ہے
دل مردہ میں بھی کچھ زندگی محسوس ہوتی ہے
یہ تاروں کی چمک میں ہے نہ پھولوں ہی کی خوشبو میں
تری تصویر میں جو دل کشی محسوس ہوتی ہے
تجھے میں آج تک مصروف درس و وعظ پاتا ہوں
تری ہستی مکمل آگہی محسوس ہوتی ہے
یہ کیا ممکن نہیں تو آ کے خود اب اس کا درماں کر
فضائے دہر میں کچھ برہمی محسوس ہوتی ہے
اجالا سا اجالا ہے تری شمع ہدایت کا
شب تیرہ میں بھی اک روشنی محسوس ہوتی ہے
میں آؤں بھی تو کیا منہ لے کے آؤں سامنے تیرے
خود اپنے آپ سے شرمندگی محسوس ہوتی ہے
تخیل میں ترے نزدیک جب میں خود کو پاتا ہوں
مجھے اس وقت اک طرفہ خوشی محسوس ہوتی ہے
تو ہی جانے کہاں لے آئی مجھ کو آرزو تیری
یہ منزل اب سراپا بے خودی محسوس ہوتی ہے
کنولؔ جس وقت کھو جاتا ہوں میں اس کے تصور میں
مجھے تو زندگی ہی زندگی محسوس ہوتی ہے
کنول ایم۔اے 
(662) ووٹ وصول ہوئے
Bhagwan Krishn Ki Taswir Dekh Kar In Urdu By Famous Poet Kanval M.A. Bhagwan Krishn Ki Taswir Dekh Kar is written by Kanval M.A. Enjoy reading Bhagwan Krishn Ki Taswir Dekh Kar Poem on Inspiration for Students, Youth, Girls and Boys by Kanval M.A. Free Dowlonad Bhagwan Krishn Ki Taswir Dekh Kar by Kanval M.A in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends