ہائے باپو تری دہائی ہے
خوئے آزاد جس نے پائی ہے
اس کے قبضے میں کل خدائی ہے
ان سے میں بھی یہ بات کہتا ہوں
جن کی تقدیر میں برائی ہے
اپنے ماضی پہ ڈال لو نظریں
کس قدر کس نے کی بھلائی ہے
بات آئی زباں پہ کہتا ہوں
یہ تو بندوں ہی کی خدائی ہے
روک کر گلا کر رہے ہیں بلیک
قحط کی ہر طرف دہائی ہے
کتنے ٹھیکے میں اب کی بار بچے
کتنی رشوت کی دولت آئی ہے
اپنے اپنوں کو پوچھتا ہے ہر اک
اہل طاقت ہی کی بن آئی ہے
گر منسٹر ہے آپ کا سالا
تو کلکٹر بنا جمائی ہے
ہے جو انجینئر سفارش سے
پھر تو ٹھیکے میں اس کا بھائی ہے
خوف ہے کس کا راج ہے اپنا
اپنا ہی سارا آنہ پائی ہے
روزی اور روزگار ہیں ان کے
ہم غریبوں کا حق گدائی ہے
ان کا ذریعہ ہے یہ کمانے کا
دیکھنے ہی کی پارسائی ہے
کس سے جا کر کنولؔ کرے فریاد
ہائے باپو تری دہائی ہے
آج پھر سے اگست آیا ہے
سب کے گھر میں خوشی ہی چھائی ہے
سال آئندہ کے کمانے کو
تم نے سکیم کیا بنائی ہے
کنولؔ ڈبائیوی 
(984) ووٹ وصول ہوئے
Hae Bapu Teri Duhai Hai In Urdu By Famous Poet Kanval Dibaivi. Hae Bapu Teri Duhai Hai is written by Kanval Dibaivi. Enjoy reading Hae Bapu Teri Duhai Hai Poem on Inspiration for Students, Youth, Girls and Boys by Kanval Dibaivi. Free Dowlonad Hae Bapu Teri Duhai Hai by Kanval Dibaivi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends