گاندھی جینتی پر
اٹھی چاروں طرف سے جب کہ ظلم و جبر کی آندھی
پیام امن لے کر آ گئے روح زماں گاندھی
بنے ہندوستاں کے واسطے وہ رہبر کامل
توسل سے انہی کے پائی ہم نے اپنی خود منزل
ہوئی روشن اجالے سے دیار ہند کی وادی
جلائی اس طرح کی آپ نے اک شمع آزادی
انہی نے جبر سے انگریز کے ہم کو چھڑایا تھا
صداقت کا شرافت کا ہمیں رستہ بتایا تھا
دکھائی راہ وہ ہم کو جو گوتم نے دکھائی تھی
بتائی بات وہ پھر سے جو عیسیٰ نے بتائی تھی
اخوت کے وہ دریا تھے محبت کے وہ ساحل تھے
اہنسا کے وہ داعی تھے وہ یکجہتی کے قائل تھے
سبق پھر سے پڑھایا تھا جہاں بھر کو بھلائی کا
زمانہ آج بھی مشکور ہے اس حق کے داعی کا
غریبوں کی نحیفوں کی ہمیشہ دستگیری کی
نہ پروا کی مصیبت کی نہ پروا کی اسیری کی
ہمارے دل منور کر دیے نور محبت سے
ہوئے آگاہ اہل دہر رمز آدمیت سے
وطن کے آسماں پر ایک رخشندہ ستارے تھے
ہمیں یہ فخر ہے اہل جہاں گاندھی ہمارے تھے
کنولؔ ڈبائیوی 
(982) ووٹ وصول ہوئے
Gandhi-jayanti Par In Urdu By Famous Poet Kanval Dibaivi. Gandhi-jayanti Par is written by Kanval Dibaivi. Enjoy reading Gandhi-jayanti Par Poem on Inspiration for Students, Youth, Girls and Boys by Kanval Dibaivi. Free Dowlonad Gandhi-jayanti Par by Kanval Dibaivi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends