تعجب یہ نہیں ہے غم کے ماروں کو نہ چین آیا
تعجب یہ نہیں ہے غم کے ماروں کو نہ چین آیا
تڑپنا دیکھ کر میرا ستاروں کو نہ چین آیا
بڑھی بے تابئ دل جب تو بہنے ہی لگے آنسو
مرے ہمراہ ان پنہاں ستاروں کو نہ چین آیا
رہے گردش میں ساری رات میری بے قراری پر
بڑے ہمدرد نکلے چاند تاروں کو نہ چین آیا
ہمارے آشیاں تک بات رہ جاتی تو اچھا تھا
جلا جب تک نہ سب گلشن شراروں کو نہ چین آیا
کوئی بے خود ہوا بے تاب ہو کر رہ گیا کوئی
نقاب حسن اٹھنے پر ہزاروں کو نہ چین آیا
زمانے کے تغیر نے کیا برباد گلشن کو
خزاؤں کو نہ چین آیا بہاروں کو نہ چین آیا
تھپیڑے ان کو بھی کھانے پڑے امواج طوفاں کے
مری کشتی کے باعث ہی کناروں کو نہ چین آیا
غم دوراں غم جاناں غم عقبیٰ غم دنیا
کنولؔ اس زندگی میں غم کے ماروں کو نہ چین آیا
کنولؔ ڈبائیوی 
(854) ووٹ وصول ہوئے
Tajjub Ye Nahin Hai Gham Ke Maron Ko Na Chain Aaya In Urdu By Famous Poet Kanval Dibaivi. Tajjub Ye Nahin Hai Gham Ke Maron Ko Na Chain Aaya is written by Kanval Dibaivi. Enjoy reading Tajjub Ye Nahin Hai Gham Ke Maron Ko Na Chain Aaya Poem on Inspiration for Students, Youth, Girls and Boys by Kanval Dibaivi. Free Dowlonad Tajjub Ye Nahin Hai Gham Ke Maron Ko Na Chain Aaya by Kanval Dibaivi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends