غم کا اظہار بھی کرنے نہیں دیتی دنیا
غم کا اظہار بھی کرنے نہیں دیتی دنیا
اور مرتا ہوں تو مرنے نہیں دیتی دنیا
سب ہی مے خانۂ ہستی سے پیا کرتے ہیں
مجھ کو اک جام بھی بھرنے نہیں دیتی دنیا
آستاں پر ترے ہم سر کو جھکا تو لیتے
سر سے یہ بوجھ اترنے نہیں دیتی دنیا
ہم کبھی دیر کے طالب ہیں کبھی کعبہ کے
ایک مرکز پہ ٹھہرنے نہیں دیتی دنیا
بجلیوں سے جو بچاتا ہوں نشیمن اپنا
مجھ کو ایسا بھی تو کرنے نہیں دیتی دنیا
مندمل ہونے پہ آئیں تو چھڑکتی ہے نمک
زخم دل کے مرے بھرنے نہیں دیتی دنیا
میری کوشش ہے محبت سے کنارہ کر لوں
لیکن ایسا بھی تو کرنے نہیں دیتی دنیا
دینے والوں کو ہے دنیا سے بغاوت لازم
دینے والوں کو ابھرنے نہیں دیتی دنیا
جس نے بنیاد گلستاں کی کبھی ڈالی تھی
اس کو گلشن سے گزرنے نہیں دیتی دنیا
گھٹ کے مر جاؤں یہ خواہش ہے زمانے کی کنولؔ
آہ بھرتا ہوں تو بھرنے نہیں دیتی دنیا
کنولؔ ڈبائیوی 
(872) ووٹ وصول ہوئے
Gham Ka Izhaar Bhi Karne Nahin Deti Duniya In Urdu By Famous Poet Kanval Dibaivi. Gham Ka Izhaar Bhi Karne Nahin Deti Duniya is written by Kanval Dibaivi. Enjoy reading Gham Ka Izhaar Bhi Karne Nahin Deti Duniya Poem on Inspiration for Students, Youth, Girls and Boys by Kanval Dibaivi. Free Dowlonad Gham Ka Izhaar Bhi Karne Nahin Deti Duniya by Kanval Dibaivi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends