ماحول
طبیعت جبریہ تسکین سے گھبرائی جاتی ہے
ہنسوں کیسے ہنسی کمبخت تو مرجھائی جاتی ہے
بہت چمکا رہا ہوں خال و خط کو سعیٔ رنگیں سے
مگر پژمردگی سی خال و خط پر چھائی جاتی ہے
امیدوں کی تجلی خوب برسی شیشۂ دل پر
مگر جو گرد تھی تہ میں وہ اب تک پائی جاتی ہے
جوانی چھیڑتی ہے لاکھ خوابیدہ تمنا کو
تمنا ہے کہ اس کو نیند ہی سی آئی جاتی ہے
محبت کی نگوں ساری سے دل ڈوبا سا رہتا ہے
محبت دل کی اضمحلال سے شرمائی جاتی ہے
فضا کا سوگ اترا آ رہا ہے ظرف ہستی میں
نگاہ شوق روح آرزو کجلائی جاتی ہے
یہ رنگ مے نہیں ساقی جھلک ہے خوں شدہ دل کی
جو اک دھندلی سی سرخی انکھڑیوں میں پائی جاتی ہے
مرے مطرب نہ دے للّٰلہ مجھ کو دعوت نغمہ
کہیں ساز غلامی پر غزل بھی گائی جاتی ہے
کیفی اعظمی 
(809) ووٹ وصول ہوئے
Mahaul In Urdu By Famous Poet Kaifi Azmi. Mahaul is written by Kaifi Azmi. Enjoy reading Mahaul Poem on Inspiration for Students, Youth, Girls and Boys by Kaifi Azmi. Free Dowlonad Mahaul by Kaifi Azmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends