اعتماد
میں نے سوچا تھا کہ اس بار تمہاری باہیں
میری گردن میں بصد شوق حمائل ہوں گی
مشکلیں راہ محبت میں نہ حائل ہوں گی
میں نے سوچا تھا کہ اس بار نگاہوں کے سلام
آئیں گے اور بہ انداز دگر آئیں گے
پھول ہی پھول فضاؤں میں بکھر جائیں گے
میں نے سوچا تھا کہ اس بار تمہاری سانسیں
میری بہکی ہوئی سانسوں سے لپٹ جائیں گی
بزم احساس کی تاریکیاں چھٹ جائیں گی
میں نے سوچا تھا کہ اس بار تمہارا پیکر
میرے بے خواب دریچوں کو سلا جائے گا
میرے کمرے کو سلیقے سے سجا جائے گا
میں نے سوچا تھا کہ اس بار مرے آنگن میں
رنگ بکھریں گے امیدوں کی دھنک ٹوٹے گی
میری تنہائی کے عارض پہ شفق پھوٹے گی
میں نے سوچا تھا کہ اس بار بایں صورت حال
میرے دروازے پہ شہنائیاں سب دیکھیں گے
جو کبھی پہلے نہیں دیکھا تھا اب دیکھیں گے
میں نے سوچا تھا کہ اس بار محبت کے لیے
گنگناتے ہوئے جذبوں کی برات آئے گی
مدتوں بعد تمناؤں کی رات آئے گی
تم مرے عشق کی تقدیر بنو گی اس بار
جیت جائے گا مرا جوش جنوں سوچا تھا
اور اب سوچ رہا ہوں کہ یہ کیوں سوچا تھا
کفیل آزر امروہوی 
(722) ووٹ وصول ہوئے
Etimad In Urdu By Famous Poet Kafeel Aazar Amrohvi. Etimad is written by Kafeel Aazar Amrohvi. Enjoy reading Etimad Poem on Inspiration for Students, Youth, Girls and Boys by Kafeel Aazar Amrohvi. Free Dowlonad Etimad by Kafeel Aazar Amrohvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends