Wo Mauj-e-hawa Jo Abhi Bahne Ki Nahin Hai
wo mauj-e-hawa jo abhi bahne ki nahin hai
hum jaante hain aap se kahne ki nahin hai
yun KHush na ho ai shahr-e-nigaran ke dar o baam
ye wadi-e-saffak bhi rahne ki nahin hai
ai kash koi koh-e-nida hi se pukare
diwar-e-sukut aap hi Dhahne ki nahin hai
kyun aks-e-gurezan se chamak bujh gai dil ki
ye raat to mahtab ke gahne ki nahin hai
Kabir Ajmal 
(782) Peoples Rate This