جہاں سانسیں نہیں چلتیں وہاں کیا چل رہا ہے
جہاں سانسیں نہیں چلتیں وہاں کیا چل رہا ہے
بہشت خاک میں اے رفتگاں کیا چل رہا ہے
پرانے دکھ نئے کپڑے پہن کر آ گئے ہیں
یہ اپنے شہر میں آزردگاں کیا چل رہا ہے
یہ جن کے اشک میری جان کو آئے ہوئے ہیں
میں ان سے پوچھ بیٹھا تھا میاں کیا چل رہا ہے
ہمارا بھوک نے منہ بھر دیا ہے گالیوں سے
تمہارے بد نصیبوں کے یہاں کیا چل رہا ہے
ہیں اشکوں کے نشانے پر مسلسل دکھ ہمارے
یہ چالیں ہم سے اندوہ جہاں کیا چل رہا ہے
ندامت سے میں اپنا منہ چھپاتا پھر رہا ہوں
یہ میرے دوستوں کے درمیاں کیا چل رہا ہے
یہاں ہر روز ہونٹوں کے گنے جاتے ہیں ٹانکے
تمہارے شہر میں شعلہ بیاں کیا چل رہا ہے
چلا کر گولیاں مجھ پر پرندوں کو بتاؤ
جہاں پنجرے نہیں بنتے وہاں کیا چل رہا ہے
تو پھر قابو کیا ہے ہجر کس جادو سے تم نے
اداسی گر نہیں افسردہ گاں کیا چل رہا ہے
ہمارے رہبروں کو جان کے لالے پڑے ہیں
تمہارے رہبروں میں گمرہاں کیا چل رہا ہے
کبیر اطہر 
(857) ووٹ وصول ہوئے
Jahan Sansen Nahin Chaltin Wahan Kya Chal Raha Hai In Urdu By Famous Poet Kabeer Athar. Jahan Sansen Nahin Chaltin Wahan Kya Chal Raha Hai is written by Kabeer Athar. Enjoy reading Jahan Sansen Nahin Chaltin Wahan Kya Chal Raha Hai Poem on Inspiration for Students, Youth, Girls and Boys by Kabeer Athar. Free Dowlonad Jahan Sansen Nahin Chaltin Wahan Kya Chal Raha Hai by Kabeer Athar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends