وصل بننے کا کچھ بناؤ نہیں
وصل بننے کا کچھ بناؤ نہیں
واں لگا دل جہاں لگاؤ نہیں
پاؤں کیوں دابنے نہیں دیتے
گر کسی کا تمہیں دباؤ نہیں
زخم دل کا علاج کیا کیجے
قابل مرہم اپنا گھاؤ نہیں
ایسے دریا میں بہہ چلے ہیں کہ آہ!
جس میں ٹاپو نہیں ہے ناؤ نہیں
ہے بہت جلوہ گاہ یار بلند
دیکھیں کیا یاں سے کچھ دکھاؤ نہیں
بل بے تیری سجاوٹیں اللہ
کچھ قیامت ہے یہ بناؤ نہیں
دسترس واں ذرا نہیں اور ہائے
دل میں کیا کیا ہمارے چاؤ نہیں
لے کے دل یوں کہے ہے چتون میں
اب مری بزم میں تم آؤ نہیں
درد پنہاں سے جی ہی نکلے ہے
کیا کہیں تم سے کچھ چھپاؤ نہیں
گر سفر کو سدھارے ہو تو آؤ
جا کے واں چھاؤنی تو چھاؤ نہیں
کیونکہ جرأتؔ لگائیں ہم لگا
کہ فرشتے کا واں لگاؤ نہیں
اور تو اور چوری چوری سے
بات کر لینے کا بھی داؤ نہیں
جرأت قلندر بخش 
(1257) ووٹ وصول ہوئے
Wasl Banne Ka Kuchh Banaw Nahin In Urdu By Famous Poet Jurat Qalandar Bakhsh. Wasl Banne Ka Kuchh Banaw Nahin is written by Jurat Qalandar Bakhsh. Enjoy reading Wasl Banne Ka Kuchh Banaw Nahin Poem on Inspiration for Students, Youth, Girls and Boys by Jurat Qalandar Bakhsh. Free Dowlonad Wasl Banne Ka Kuchh Banaw Nahin by Jurat Qalandar Bakhsh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends