دل کو اے عشق سوئے زلف سیہ فام نہ بھیج
دل کو اے عشق سوئے زلف سیہ فام نہ بھیج
رہزنوں میں تو مسافر کو سر شام نہ بھیج
دیکھ ہو جاؤں گا غیروں کے گلے کا میں ہار
ہار پھولوں کے تو اے شوخ گل اندام نہ بھیج
بھر نظر صورت گل دیکھ تو لیں اے بے درد
ہائے صیاد ابھی ہم کو تہ دام نہ بھیج
جب وہ بھیجے ہے مجھے مے تو کہیں ہیں یوں غیر
یہ بہک جائے گا بس اور اسے جام نہ بھیج
بھیجوں اس پاس جو قاصد کو دوبارہ تو کہے
باز آیا، نہیں لینے کا میں انعام نہ بھیج
کوچۂ یار میں پہنچے ہیں تو بس رہنے دے
جیتے جی یاں سے کہیں گردش ایام نہ بھیج
دم بہ دم بھیجے ہے قلیاں ہی کو کیا منہ سے لگا
لب سے بھی لب کو ملا بوسہ بہ پیغام نہ بھیج
بعد مدت کے تجھے پایا ہے تنہا بخدا
آج تو کام کو یاں سے بت خودکام نہ بھیج
دے کبھی بوسۂ چشم و لب جاں بخش بھی جاں
صرف سوغات ہمیں بوسہ بہ پیغام نہ بھیج
گالیاں تو ہیں محبت کی عبارت پیارے
کب میں کہتا ہوں کہ لکھ کر مجھے دشنام نہ بھیج
پر یہ دھڑکا ہے کہ جاوے نہ کہیں خط پکڑا
کر کے سر نامے پہ تحریر مرا نام نہ بھیج
جرأتؔ اب تجھ سے وہ روٹھا تو منا کیونکہ میں لاؤں
تو ہی پھر دینے لگے گا مجھے الزام نہ بھیج
جرأت قلندر بخش 
(1563) ووٹ وصول ہوئے
Dil Ko Ai Ishq Su-e-zulf-e-siyah-fam Na Bhej In Urdu By Famous Poet Jurat Qalandar Bakhsh. Dil Ko Ai Ishq Su-e-zulf-e-siyah-fam Na Bhej is written by Jurat Qalandar Bakhsh. Enjoy reading Dil Ko Ai Ishq Su-e-zulf-e-siyah-fam Na Bhej Poem on Inspiration for Students, Youth, Girls and Boys by Jurat Qalandar Bakhsh. Free Dowlonad Dil Ko Ai Ishq Su-e-zulf-e-siyah-fam Na Bhej by Jurat Qalandar Bakhsh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends