در تک اب چھوڑ دیا گھر سے نکل کر آنا
در تک اب چھوڑ دیا گھر سے نکل کر آنا
یا وہ راتوں کو سدا بھیس بدل کر آنا
ہمدمو یہ کوئی رونا ہے کہ طوفان ہے آہ
دیکھیو چشم سے دریا کا ابل کر آنا
قصد جب جانے کا کرتا ہوں میں اس شوخ کے پاس
تیغ ابرو یہ کہے ہے کہ سنبھل کر آنا
حاصل اس کوچے میں جانے سے ہمیں ہے اور کیا
الٹے گھر اپنے مگر خاک میں رل کر آنا
واں سے اول دل بے تاب تو کب آتا ہے
اور آنا بھی تو سو جا پہ مچل کر آنا
ہمدمو میری سفارش کو تو جاتے ہو ولے
کہیں واں جا کے نہ کچھ اور خلل کر آنا
ڈوبے یوں بحر محبت میں کہ اب جیتے جی
اپنا دشوار ہے اوپر کو اچھل کر آنا
کوئے قاتل میں دم نزع کوئی لے جاؤ
جا کے اس جا ہمیں عقدہ ہے یہ حل کر آنا
اس کا بے وجہ نہیں ہے یہ چمن سے باہر
گل مرے سامنے ہاتھوں میں مسل کر آنا
بزم خوباں میں اگرچہ کوئی پرچائے ہزار
پر ترے پاس ہمیں واں سے بھی ٹل کر آنا
جی چلا تن سے مرے جلد ز راہ اشفاق
گھر سے دو چار قدم ایسے میں چل کر آنا
جرأتؔ اس کی کہوں کیا تجھ سے طرح داری میں
جانا جب اٹھ کے تب اک روپ بدل کر آنا
جرأت قلندر بخش 
(940) ووٹ وصول ہوئے
Dar Tak Ab ChhoD Diya Ghar Se Nikal Kar Aana In Urdu By Famous Poet Jurat Qalandar Bakhsh. Dar Tak Ab ChhoD Diya Ghar Se Nikal Kar Aana is written by Jurat Qalandar Bakhsh. Enjoy reading Dar Tak Ab ChhoD Diya Ghar Se Nikal Kar Aana Poem on Inspiration for Students, Youth, Girls and Boys by Jurat Qalandar Bakhsh. Free Dowlonad Dar Tak Ab ChhoD Diya Ghar Se Nikal Kar Aana by Jurat Qalandar Bakhsh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends