بغیر اس کے یہ حیراں ہیں بغل دیکھ اپنی خالی ہم
بغیر اس کے یہ حیراں ہیں بغل دیکھ اپنی خالی ہم
کہ کروٹ لے نہیں سکتے ہیں جوں تصویر قالی ہم
کوئی آتش کا پرکالہ جو وقت خواب یاد آوے
تو سمجھیں کیوں نہ انگارے یہ گل ہائے نہالی ہم
ارادہ گر کیا دشنام دینے کا اب اے پیارے
تو لب سے لب ملا کر بس تری کھا لیں گے گالی ہم
نہ ہو پہلو میں اپنے جب وہ سبزہ رنگ ہی ظالم
تو پھر کس رنگ کاٹیں یہ بلا سے رات کالی ہم
لڑی ہے آنکھ اس سے جو یہ چتون میں جتاتا ہے
کسی کی کیا ہمیں پروا ہیں اپنے لاابالی ہم
نہ ہو وہ سیم تن پاس اپنے جب سیر شب مہ میں
کریں تو دیکھ کیا بس ایک پیتل کی سی تھالی ہم
جو ہو دور از خیال مانیؔ و بہزادؔ ہر صورت
بغیر از مو قلم کھینچیں وہ تصویر خیالی ہم
کریں وصف جمال یار میں اک شعر گر موزوں
تو سمجھیں انتخاب جملہ اشعار جمالی ہم
بہ کنج بے کسی پڑھتے ہیں جو ہم مرثیہ دل کا
تو ہیں آپ ہی جوابی اور آپ ہی ہیں سوالی ہم
وہ ڈوبا عطر میں ہو مست مئے مصروف سیر گل
اور اس کو اس روش دیکھیں درون باغ خالی ہم
گل امید تو شاید کہ اپنا بھی شگفتہ ہو
تعجب کچھ نہیں گر پائیں پھل پاتے سہالی ہم
زبس حالات عشق اب ہم پہ طاری ہے سدا جرأتؔ
بہ طرز عاشقانہ کہتے ہیں اشعار حالیؔ ہم
جرأت قلندر بخش 
(902) ووٹ وصول ہوئے
Baghair Uske Ye Hairan Hain Baghal Dekh Apni Khaali Hum In Urdu By Famous Poet Jurat Qalandar Bakhsh. Baghair Uske Ye Hairan Hain Baghal Dekh Apni Khaali Hum is written by Jurat Qalandar Bakhsh. Enjoy reading Baghair Uske Ye Hairan Hain Baghal Dekh Apni Khaali Hum Poem on Inspiration for Students, Youth, Girls and Boys by Jurat Qalandar Bakhsh. Free Dowlonad Baghair Uske Ye Hairan Hain Baghal Dekh Apni Khaali Hum by Jurat Qalandar Bakhsh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends