عمل کچھ ایسا کیا عدو نے کہ عشق باہم لگا چھڑایا
عمل کچھ ایسا کیا عدو نے کہ عشق باہم لگا چھڑایا
الٰہی چھٹ جائیں اس کی نبضیں ملاپ جس نے مرا چھڑایا
نہ بیٹھے آرام سے وہ گاہے اٹھائے نت دکھ پہ دکھ خدایا
کہ جس نے ناحق اٹھا کے بہتان اپنا واں بیٹھنا چھڑایا
الٰہی محروم رکھیو اس کو مدام لذات دوجہاں سے
اسیر دام فراق کر مجھ کو جس نے میرا مزا چھڑایا
نہ دوستی کا اسے ملے پھل نہ کوئی مربوط ہووے اس سے
کہ جس نے کر دشمنی خدایا جو ربط آپس میں تھا چھڑایا
عروس گیتی سمجھ کے اس کو ذلیل ہرگز نہ منہ لگاوے
الٰہی عقد محبت اس سے یہ جس نے میرا بندھا چھڑایا
چھٹے گریبان اس کا گاہے نہ پنجۂ رنج سے خدایا
کہ دامن وصل ہاتھ اپنے سے جس نے اس شوخ کا چھڑایا
الٰہی زندان غم سے پاوے نہ جیتے جی وہ کبھی رہائی
کہ جس کے بہکائے سے اب اس نے دل اپنا ہم سے پھنسا چھڑایا
لہو جو مشتاق وصل کا تھا چھٹا نہ قدموں سے اس کے ہرگز
اگرچہ دھو دھو کے اس نے کتنا بہ شکل رنگ حنا چھڑایا
کہے ہے جرأتؔ یہی بہ تکرار درد ہجراں سے ہاتھ مل مل
الٰہی چھٹ جائیں اس کی نبضیں ملاپ جس نے مرا چھڑایا
جرأت قلندر بخش 
(991) ووٹ وصول ہوئے
Amal Kuchh Aisa Kiya Adu Ne Ki Ishq Baham Laga ChhuDaya In Urdu By Famous Poet Jurat Qalandar Bakhsh. Amal Kuchh Aisa Kiya Adu Ne Ki Ishq Baham Laga ChhuDaya is written by Jurat Qalandar Bakhsh. Enjoy reading Amal Kuchh Aisa Kiya Adu Ne Ki Ishq Baham Laga ChhuDaya Poem on Inspiration for Students, Youth, Girls and Boys by Jurat Qalandar Bakhsh. Free Dowlonad Amal Kuchh Aisa Kiya Adu Ne Ki Ishq Baham Laga ChhuDaya by Jurat Qalandar Bakhsh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends