گو کہ محتاج ہیں گدا ہیں ہم
گو کہ محتاج ہیں گدا ہیں ہم
بے نیازی کے بادشا ہیں ہم
چشم تحقیر سے ہمیں مت دیکھ
خاک تو ہیں پہ توتیا ہیں ہم
آہ اس عمر بے بقا کی طرح
رہرو کشور فنا ہیں ہم
ایسا بے برگ و بے نواہی کون
جیسے بے برگ و بے نوا ہیں ہم
گو ہمیں تو کبھی نہ یاد کرے
پر تری یاد میں سدا ہیں ہم
مبتلا اس بلا میں کوئی نہ ہو
جس بلا میں کہ مبتلا ہیں ہم
مار کر بھی ہمیں پہ پچھتایا
بے وفا تو کہ بے وفا ہیں ہم
جبہہ سائی سے دشمنی ہے جسے
اسی کے در پہ جبہہ سا ہیں ہم
کون رہبر ہو عشق کی رہ میں
آپ ہی اپنے رہنما ہیں ہم
ہیں تو صورت پرست آئینہ دار
نیک معنی سے آشنا ہیں ہم
اور دیوانہ کون ہے ؔجوشش
یا دوانا تھا قیس یا ہیں ہم
جوشش عظیم آبادی 
(937) ووٹ وصول ہوئے
Go Ki Mohtaj Hain Gada Hain Hum In Urdu By Famous Poet Joshish Azimabadi. Go Ki Mohtaj Hain Gada Hain Hum is written by Joshish Azimabadi. Enjoy reading Go Ki Mohtaj Hain Gada Hain Hum Poem on Inspiration for Students, Youth, Girls and Boys by Joshish Azimabadi. Free Dowlonad Go Ki Mohtaj Hain Gada Hain Hum by Joshish Azimabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends