Jab Hue Tum Chaman Mein Aan KhaDe
jab hue tum chaman mein aan khaDe
wohin ho gae gulon ke kan khaDe
shukr-e-gham hai ki dil ke maidan mein
aah o nale ke hain nishan khaDe
baiThne ki nahin rahi taqat
howen kya hum se na-tawan khaDe
us talak baal-e-shauq le pahuncha
rah gae dar pe darban khaDe
us ke tir-e-nigah ki daulat
hain dar-e-dil pe mehman khaDe
be-sabab hum se ruThe jate ho
sun lo Tuk ho ke mehrban khaDe
din o iman o jaan dene ko
hum to hain ru-ba-ru har aan khaDe
aaj wo imtihan le 'joshish'
hum bhi hain bahr-e-imtihan khaDe
Joshish Azimabadi 
(773) Peoples Rate This