تری یاد میں کب قیامت نہ ٹوٹی ترے غم میں کب حشر برپا نہ دیکھا
تری یاد میں کب قیامت نہ ٹوٹی ترے غم میں کب حشر برپا نہ دیکھا
بجز اک نگاہ مسیحا نفس کے محبت کے ماروں نے کیا کیا نہ دیکھا
بہت سیر کی باغ جنت کی ہم نے مگر کچھ مزا زندگی کا نہ دیکھا
کسی دل میں درد محبت نہ پایا کسی دل میں داغ تمنا نہ دیکھا
بہت مرد میداں بھی دنیا میں دیکھے شجاعت پہ نازاں بھی دنیا میں دیکھے
مگر چوٹ سہہ جائے تیر نظر کی یہ دل یہ کلیجا کسی کا نہ دیکھا
یہی ہے نظارا تو کیا ہے نظارا نہ شان جمالی نہ شان جلالی
یہ دھندلا سا پرتو یہ مستور جلوہ برابر ہے ہم کو تو دیکھا نہ دیکھا
جنون محبت میں دیوانگی میں تری بے رخی کا بھی میں قدرداں ہوں
بڑا تو نے احسان مجھ پر کیا یہ تماشا بنا کر تماشا نہ دیکھا
ترے آستاں کا پتہ کس سے پائیں کرے رہبری کون بھٹکے ہوؤں کی
یہ راہ طلب ہے کہ راہ عدم ہے کسی کا بھی نقش کف پا نہ دیکھا
محبت کہاں یہ تو بے چارگی ہے ستم بھی سہیں پھر کرم اس کو سمجھیں
یہ جبر اس لیے کر لیا ہے گوارا کہ اس کے سوا کوئی چارا نہ دیکھا
نیاز محبت سے یہ بے نیازی خلوص محبت سے اتنا تغافل
مرا درد تم نے مرا حال تم نے نہ جانا نہ سمجھا نہ پوچھا نہ دیکھا
تمہیں جوشؔ ہم خوب پہچانتے ہیں تمہاری بلا نوشیاں جانتے ہیں
کہاں تم کہاں پارسائی کا جامہ کبھی ہم نے ایسا دکھاوا نہ دیکھا
جوشؔ ملسیانی 
(1067) ووٹ وصول ہوئے
Teri Yaad Mein Kab Qayamat Na TuTi Tere Gham Mein Kab Hashr Barpa Na Dekha In Urdu By Famous Poet Josh Malsiani. Teri Yaad Mein Kab Qayamat Na TuTi Tere Gham Mein Kab Hashr Barpa Na Dekha is written by Josh Malsiani. Enjoy reading Teri Yaad Mein Kab Qayamat Na TuTi Tere Gham Mein Kab Hashr Barpa Na Dekha Poem on Inspiration for Students, Youth, Girls and Boys by Josh Malsiani. Free Dowlonad Teri Yaad Mein Kab Qayamat Na TuTi Tere Gham Mein Kab Hashr Barpa Na Dekha by Josh Malsiani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends