نامہ بر بھی وہاں رسا نہ ہوا
نامہ بر بھی وہاں رسا نہ ہوا
کسی صورت مرا بھلا نہ ہوا
درد کی داد کون دے مجھ کو
تو ہی جب درد آشنا نہ ہوا
وہی مطلوب ہو وہی طالب
اک معما ہوا خدا نہ ہوا
مختصر بھی ہے اور جامع بھی
کیا ہوا کا جواب کیا نہ ہوا
ہاں کہو کچھ ہمیں بھی ہو معلوم
وہ گلہ کیا جو برملا نہ ہوا
عشق اس درد کا نہیں قائل
جو مصیبت کی انتہا نہ ہوا
تم سے تکمیل جور ہو نہ سکی
اس ادا کا بھی حق ادا نہ ہوا
اتنا پاس وفا تو ہے اس کو
بے وفائی سے بے وفا نہ ہوا
دل کشا تھی نگاہ ناز اس کی
تیر کیوں اس کا دل کشا نہ ہوا
دل کبھی خوش ہوا تو تھا لیکن
اس کا اب ذکر کیا ہوا نہ ہوا
قابل شکر ہے وہ صبر اے جوشؔ
جو کبھی دست التجا نہ ہوا
جوشؔ ملسیانی 
(989) ووٹ وصول ہوئے
Nama-bar Bhi Wahan Rasa Na Hua In Urdu By Famous Poet Josh Malsiani. Nama-bar Bhi Wahan Rasa Na Hua is written by Josh Malsiani. Enjoy reading Nama-bar Bhi Wahan Rasa Na Hua Poem on Inspiration for Students, Youth, Girls and Boys by Josh Malsiani. Free Dowlonad Nama-bar Bhi Wahan Rasa Na Hua by Josh Malsiani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends