فکر ہی ٹھہری تو دل کو فکر خوباں کیوں نہ ہو
فکر ہی ٹھہری تو دل کو فکر خوباں کیوں نہ ہو
خاک ہونا ہے تو خاک کوئے جاناں کیوں نہ ہو
دہر میں اے خواجہ ٹھہری جب اسیری ناگزیر
دل اسیر حلقۂ گیسوئے پیچاں کیوں نہ ہو
زیست ہے جب مستقل آوارہ گردی ہی کا نام
عقل والو پھر طواف کوئے جاناں کیوں نہ ہو
جب نہیں مستوریوں میں بھی گناہوں سے نجات
دل کھلے بندوں غریق بحر عصیاں کیوں نہ ہو
اک نہ اک ہنگامے پر موقوف ہے جب زندگی
مے کدے میں رند رقصاں و غزلخواں کیوں نہ ہو
جب خوش و ناخوش کسی کے ہاتھ میں دینا ہے ہاتھ
ہم نشیں پھر بیعت جام زر افشاں کیوں نہ ہو
جب بشر کی دسترس سے دور ہے حبل المتیں
دشت وحشت میں پھر اک کافر کا داماں کیوں نہ ہو
ایک ہے جب شور جہل و بانگ حکمت کا مآل
دل ہلاک ذوق گلبانگ پریشاں کیوں نہ ہو
اک نہ اک رفعت کے آگے سجدہ لازم ہے تو پھر
آدمی محو سجود سرو خوباں کیوں نہ ہو
اک نہ اک پھندے ہی میں پھنسنا ہے جب انسان کو
دوش پر دام سیاہ سنبلستاں کیوں نہ ہو
جب فریبوں میں ہی رہنا ہے تو اے اہل خرد
لذت پیمان بار سست پیماں کیوں نہ ہو
یاں جب آویزش ہی ٹھہری ہے تو ذرے چھوڑ کر
آدمی خورشید سے دست و گریباں کیوں نہ ہو
اک نہ اک ظلمت سے جب وابستہ رہنا ہے تو جوشؔ
زندگی پر سایۂ زلف پریشاں کیوں نہ ہو
جوشؔ ملیح آبادی 
(1025) ووٹ وصول ہوئے
Fikr Hi Thahri To Dil Ko Fikr-e-KHuban Kyun Na Ho In Urdu By Famous Poet Josh Malihabadi. Fikr Hi Thahri To Dil Ko Fikr-e-KHuban Kyun Na Ho is written by Josh Malihabadi. Enjoy reading Fikr Hi Thahri To Dil Ko Fikr-e-KHuban Kyun Na Ho Poem on Inspiration for Students, Youth, Girls and Boys by Josh Malihabadi. Free Dowlonad Fikr Hi Thahri To Dil Ko Fikr-e-KHuban Kyun Na Ho by Josh Malihabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends