Kaun Sa Bagh
kaun se bagh mein ja kar ho aae
dil ki har baat suna kar ho aae!
ek saat ko jahan dekha kai chehre the
KHush-numa bazm mein har ek taraf
phul ke adh-khilte hue sehre the
ek ajab aab-o-hawa bikhri thi
jis ke chalne se sahar aur bahut nikhri thi
main ne har samt kaha main hun! ye tum ho?
tu hai?
aise aalam mein ye kya KHushbu hai?
ek ajab waqt raha did ka dekha paya
mahfil-e-rah mein jis jis ko zamin par dekha
us ko is bagh mein chalte paya
Jilani Kamran 
(917) Peoples Rate This