محبت صلح بھی پیکار بھی ہے
محبت صلح بھی پیکار بھی ہے
یہ شاخ گل بھی ہے تلوار بھی ہے
طبیعت اس طرف خوددار بھی ہے
ادھر نازک مزاج یار بھی ہے
ادائے عشق ادائے یار بھی ہے
بہت سادہ بہت پرکار بھی ہے
یہ فتنے جن سے اک دنیا ہے نالاں
انہیں سے گرمئ بازار بھی ہے
جنوں کے دم سے ہے نظم دو عالم
جنوں برہم زن افکار بھی ہے
نفس پر ہے مدار زندگانی
نفس چلتی ہوئی تلوار بھی ہے
اسی انسان میں سب کچھ ہے پنہاں
مگر یہ معرفت دشوار بھی ہے
وہ بوئے گل کہ ہے جان چمن بھی
قیامت ہے چمن بے زار بھی ہے
یہی دنیا ہے نسبت آنسوؤں کی
یہی دنیا تبسم زار بھی ہے
جہاں وہ ہیں وہیں میرا تصور
جہاں میں ہوں خیال یار بھی ہے
خبردار اے سبک ساران ساحل
یہ ساحل ہی کبھی منجدھار بھی ہے
غنیمت ہے کہ اس دور ہوس میں
ترا ملنا بہت دشوار بھی ہے
جو کوئی سن سکے تو نکہت گل
شکست رنگ کی جھنکار بھی ہے
ان آنکھوں کی زہے معجز بیانی
بہم انکار بھی اقرار بھی ہے
جگرؔ مرادآبادی 
(947) ووٹ وصول ہوئے
Mohabbat Sulh Bhi Paikar Bhi Hai In Urdu By Famous Poet Jigar Moradabadi. Mohabbat Sulh Bhi Paikar Bhi Hai is written by Jigar Moradabadi. Enjoy reading Mohabbat Sulh Bhi Paikar Bhi Hai Poem on Inspiration for Students, Youth, Girls and Boys by Jigar Moradabadi. Free Dowlonad Mohabbat Sulh Bhi Paikar Bhi Hai by Jigar Moradabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends