Ye Din Bahaar Ke Ab Ke Bhi Ras Aa Na Sake
ye din bahaar ke ab ke bhi ras aa na sake
ki ghunche khil to sake khil ke muskura na sake
meri tabahi-e-dil par to rahm kha na sake
jo raushni mein rahe raushni ko pa na sake
na jaane aah ki un aansuon pe kya guzri
jo dil se aankh tak aae mizha tak aa na sake
rah-e-KHulus-e-mohabbat ke hadsat-e-jahan
mujhe to kya mere naqsh-e-qadam miTa na sake
karenge mar ke baqa-e-dawam kya hasil
jo zinda rah ke maqam-e-hayat pa na sake
naya zamana banane chale the diwane
nai zamin naya aasman bana na sake
Jigar Moradabadi 
(940) Peoples Rate This