Mohabbat Mein Ye Kya Maqam Aa Rahe Hain
mohabbat mein ye kya maqam aa rahe hain
ki manzil pe hain aur chale ja rahe hain
ye kah kah ke hum dil ko bahla rahe hain
wo ab chal chuke hain wo ab aa rahe hain
wo az-KHud hi nadim hue ja rahe hain
KHuda jaane kya kya KHayal aa rahe hain
hamare hi dil se maze un ke puchho
wo dhoke jo danista hum kha rahe hain
jafa karne walon ko kya ho gaya hai
wafa kar ke bhi hum to sharma rahe hain
wo aalam hai ab yaro aghyar kaise
hamin apne dushman hue ja rahe hain
mizaj-e-girami ki ho KHair ya-rab
kai din se akasr wo yaad aa rahe hain
Jigar Moradabadi 
(905) Peoples Rate This