تیری بے التفاتی کیا کوئی کم ہوتی جاتی ہے
تیری بے التفاتی کیا کوئی کم ہوتی جاتی ہے
طبیعت رفتہ رفتہ خوگر غم ہوتی جاتی ہے
ہزاروں چارہ گر ہیں اور غم بڑھتے ہی جاتے ہیں
جو صورت دیکھیے تصویر ماتم ہوتی جاتی ہے
تسلی آپ نے دی فرق ہے ہاں دل کی حالت میں
جو تھم تھم کر خلش ہوتی تھی پیہم ہوتی جاتی ہے
جو چنگاری تھی پہلے اب وہ بجلی بن گئی بڑھ کر
محبت عمر ڈھل جانے سے کیا کم ہوتی جاتی ہے
نظر کیا آپ کی بدلی مزاج زندگی بدلا
جو پہلے جاں فزا تھی مے وہی کم ہوتی جاتی ہے
کسی کا غم سموئے جاتا ہے رگ رگ میں رنگ ایسے
کہ اپنی زندگی حسن مجسم ہوتی جاتی ہے
نہ احساس غم جاناں نہ احساس غم دوراں
تو کیوں مانوس گریہ چشم پر نم ہوتی جاتی ہے
سب الٹی پڑ رہی ہیں شاید آزادی کی تدبیریں
کہ زنجیر محبت اور محکم ہوتی جاتی ہے
جگرؔ کیا تاب لا سکتا ہے کوئی دل میں زخموں کی
مگر کچھ غیب سے تدبیر مرہم ہوتی جاتی ہے
جگر بریلوی 
(880) ووٹ وصول ہوئے
Teri Be-iltifati Kya Koi Kam Hoti Jati Hai In Urdu By Famous Poet Jigar Barelvi. Teri Be-iltifati Kya Koi Kam Hoti Jati Hai is written by Jigar Barelvi. Enjoy reading Teri Be-iltifati Kya Koi Kam Hoti Jati Hai Poem on Inspiration for Students, Youth, Girls and Boys by Jigar Barelvi. Free Dowlonad Teri Be-iltifati Kya Koi Kam Hoti Jati Hai by Jigar Barelvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends