نہیں کہ چارۂ درد نہاں نہیں معلوم
نہیں کہ چارۂ درد نہاں نہیں معلوم
دل حزیں کو ہو منظور ہاں نہیں معلوم
لے آئی ہے ہمیں وحشت کہاں نہیں معلوم
سواد دشت ہے یا گلستاں نہیں معلوم
شہید ناز کی میت چلے ہیں دفنانے
مگر ہے کوچۂ جاناں کہاں نہیں معلوم
ہزاروں خار چبھے ہیں ہمارے تلووں میں
قدم ہیں کس لئے اب بھی رواں نہیں معلوم
ثبوت عشق میں ہم جان دے تو دیں لیکن
یقیں بھی لائے گا بد گماں نہیں معلوم
ازل سے لوٹتے انگاروں پر ہم آئے ہیں
ہے کب تک اور ابھی امتحاں نہیں معلوم
علاج کیا کریں ہم اور کیا بتائیں حال
کہیں ہے درد مگر ہے کہاں نہیں معلوم
جلا دل اور ہوا راکھ مدتیں گزریں
یہ اب اٹھا ہے کہاں سے دھواں نہیں معلوم
نہ جانے کون سی منزل پہ ہے کہ گم ہیں حواس
دل حزیں ہے کہاں ہم کہاں نہیں معلوم
چمن میں ہم نہ خس و خار آشیاں باقی
لپک رہی ہیں یہ کیوں بجلیاں نہیں معلوم
غم و ملال سے پایا کبھی نہ دل نے فراغ
قفس ملا کہ ہمیں آشیاں نہیں معلوم
تھی قید زیست کہ آغوش غم کسی کی جگرؔ
یہ روح جائے نکل کر کہاں نہیں معلوم
کہاں گئے وہ شب و روز اور وہ ماہ و سال
کبھی جگرؔ بھی ہوئے تھے جواں نہیں معلوم
جگر بریلوی 
(896) ووٹ وصول ہوئے
Nahin Ki Chaara-e-dard-e-nihan Nahin Malum In Urdu By Famous Poet Jigar Barelvi. Nahin Ki Chaara-e-dard-e-nihan Nahin Malum is written by Jigar Barelvi. Enjoy reading Nahin Ki Chaara-e-dard-e-nihan Nahin Malum Poem on Inspiration for Students, Youth, Girls and Boys by Jigar Barelvi. Free Dowlonad Nahin Ki Chaara-e-dard-e-nihan Nahin Malum by Jigar Barelvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends