ابھی دیوانگی میں کچھ کمی محسوس ہوتی ہے
ابھی دیوانگی میں کچھ کمی محسوس ہوتی ہے
ابھی اے شدت غم زندگی محسوس ہوتی ہے
ابھی مجھ میں کوئی شے اور بھی محسوس ہوتی ہے
ابھی ادراک وحدت میں کمی محسوس ہوتی ہے
نہ جانے زخم دل کی آج گہرائی کہاں پہنچی
پھٹا جاتا ہے سینہ وہ خوشی محسوس ہوتی ہے
سمایا جاتا ہے جیسے کوئی رگ رگ میں دل بن کر
یونہی غم میں کوئی شے اور بھی محسوس ہوتی ہے
شب تاریک ہے ویرانہ ہے محویت غم ہے
عجب عالم میں قربت آپ کی محسوس ہوتی ہے
ازل سے موت نے اب تک کئی قالب بدلوائے
مگر جو چوٹ تھی دل میں وہی محسوس ہوتی ہے
جہاں وہ بیٹھ جائے گر کے منزل ہے وہی اس کی
جسے ہر گام پر واماندگی محسوس ہوتی ہے
کسی کی یاد کو ہر دم بھلائے رکھتا ہوں پھر بھی
کھٹکتی دل میں نوک خار سی محسوس ہوتی ہے
بیاباں کی کشش اب لے اڑے گی دل کے ذروں کو
کہ ہر ہر سانس پر وارفتگی محسوس ہوتی ہے
جہاں دل ضبط غم سے خون ہو جاتا ہے سینہ میں
وہیں کچھ روح کو بالیدگی محسوس ہوتی ہے
اگر سینہ میں دل رکھتے ہو تم تو آج بتلا دو
تمہیں بھی میری بیتابی کبھی محسوس ہوتی ہے
وفور تلخ کامی سے یہ عقدہ کھل گیا آخر
جو ہوتی ہے تو غم میں زندگی محسوس ہوتی ہے
کوئی جینے کو سمجھے مایۂ عشرت برا کیا ہے
مجھے تو اک عبادت زندگی محسوس ہوتی ہے
غزل سے اے جگرؔ اندازہ کر میری طبیعت کا
غزل میں کیفیت کچھ روح کی محسوس ہوتی ہے
جگر بریلوی 
(1003) ووٹ وصول ہوئے
Abhi Diwangi Mein Kuchh Kami Mahsus Hoti Hai In Urdu By Famous Poet Jigar Barelvi. Abhi Diwangi Mein Kuchh Kami Mahsus Hoti Hai is written by Jigar Barelvi. Enjoy reading Abhi Diwangi Mein Kuchh Kami Mahsus Hoti Hai Poem on Inspiration for Students, Youth, Girls and Boys by Jigar Barelvi. Free Dowlonad Abhi Diwangi Mein Kuchh Kami Mahsus Hoti Hai by Jigar Barelvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends