بادشاہ تیری دہلیز کا دربان ہے
عشتار
اے آسمانوں کی ملکہ
بادشاہ تیری دہلیز کا دربان ہے
لگاش
اور
اور
ارج میں
تیرے نام کا سکہ ڈھلتا ہے
تیری زلفیں
ظفر مند لشکر کا پھریرا ہیں
اور
چہرہ
صبح کے مشرق کا آسمان
فرات کا چمکتا پانی
تیرا آئینہ ہے
کنواریاں
تیرے مقدس احاطے میں
اپنی عصمت کا سنہرا سکہ
بھینٹ کرنے آتی ہیں
تو مینارۂ بابل کی بلندی سے
بانجھ زمین کے نام
بار آوری کا سندیسہ لکھتی ہے
اے بہت سے ناموں والی
تیری ہتھیلیاں
تیرے تموز کے ہاتھوں کی گرمی سے دہکتی ہیں
جس کے سفید معبد کے سنہری کلس
میری آنکھوں کو خیرہ کرتے ہیں
تیرے ماتم داروں کے اعضائے تناسل
تیری بارگاہ کا چڑھاوا ہیں
اژدہا
تیرے پاؤں کے توازن پہ مرتا ہے
سفید شیر
تیرے سنہرے رتھ کے گھوڑے ہیں
تیرے سر پر
پر دار بیل کا سایہ ہے
اے بار آوری کی دیوی
تیرے قدموں کی آہٹ سے
مردہ زمین
ناف تک دھڑک اٹھتی ہے
جواز جعفری 
(1454) ووٹ وصول ہوئے
Baadshah Teri Dahliz Ka Darban Hai In Urdu By Famous Poet Jawaz Jafri. Baadshah Teri Dahliz Ka Darban Hai is written by Jawaz Jafri. Enjoy reading Baadshah Teri Dahliz Ka Darban Hai Poem on Inspiration for Students, Youth, Girls and Boys by Jawaz Jafri. Free Dowlonad Baadshah Teri Dahliz Ka Darban Hai by Jawaz Jafri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends