میں چاہتا ہوں کہ دل میں ترا خیال نہ ہو
میں چاہتا ہوں کہ دل میں ترا خیال نہ ہو
عجب نہیں کہ مری زندگی وبال نہ ہو
میں چاہتا ہوں تو یک دم ہی چھوڑ جائے مجھے
یہ ہر گھڑی ترے جانے کا احتمال نہ ہو
میں چاہتا ہوں محبت پہ اب کی بار آئے
زوال ایسا کہ جس کو کبھی زوال نہ ہو
میں چاہتا ہوں محبت سرے سے مٹ جائے
میں چاہتا ہوں اسے سوچنا محال نہ ہو
میں چاہتا ہوں محبت مجھے فنا کر دے
فنا بھی ایسا کہ جس کی کوئی مثال نہ ہو
میں چاہتا ہوں محبت مرا وہ حال کرے
کہ خواب میں بھی دوبارہ کبھی مجال نہ ہو
میں چاہتا ہوں کہ اتنا ہی ربط رہ جائے
وہ یاد آئے مگر بھولنا محال نہ ہو
میں چاہتا ہوں مری آنکھیں نوچ لی جائیں
ترا خیال کسی طور پائمال نہ ہو
میں چاہتا ہوں کہ میں زخم زخم ہو جاؤں
اور اس طرح کہ کبھی خوف اندمال نہ ہو
مری مثال ہو سب کی نگاہ میں جوادؔ
میں چاہتا ہوں کسی اور کا یہ حال نہ ہو
جواد شیخ 
(2764) ووٹ وصول ہوئے
Main Chahta Hun Ki Dil Mein Tera KHayal Na Ho In Urdu By Famous Poet Javvad Shaikh. Main Chahta Hun Ki Dil Mein Tera KHayal Na Ho is written by Javvad Shaikh. Enjoy reading Main Chahta Hun Ki Dil Mein Tera KHayal Na Ho Poem on Inspiration for Students, Youth, Girls and Boys by Javvad Shaikh. Free Dowlonad Main Chahta Hun Ki Dil Mein Tera KHayal Na Ho by Javvad Shaikh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends