اک جگہ ہوں پھر وہاں اک یاد رہ جانے کے بعد
اک جگہ ہوں پھر وہاں اک یاد رہ جانے کے بعد
کس قدر پانی کسی دریا میں بہہ جانے کے بعد
اک جگہ خود مجھ کو اپنے سچ پہ شک سا پڑ گیا
پر یقیں کتنا تھا وہ اک جھوٹ کہہ جانے کے بعد
شام ہے اور جانے والا دن ہے میرے سامنے
رنج میں ہوں میرا سارا کام رہ جانے کے بعد
ہے یقیں مجھ کو کہ ہے رہنے کے قابل یہ جہاں
ہاں مگر کتنا خس و خاشاک بہہ جانے کے بعد
اک نئی تعمیر کا سوچوں گا پھر پہلے مجھے
صاف کرنی ہے زمیں اک شہر ڈھہ جانے کے بعد
یوں ہوا پھر میں نے اس سے کم تعلق کر لیا
اس کی کوئی بات اک مشکل سے سہہ جانے کے بعد
خود سے باتیں کر کے کوئی بوجھ ہلکا ہو گیا
کچھ سکوں آ جائے جیسے زخم بہہ جانے کے بعد
سوچ لے شاہیںؔ اسے پانا کہ کھونا ہے اسے
جا چکا ہے وہ تجھے اک بات کہہ جانے کے بعد
جاوید شاہین 
(715) ووٹ وصول ہوئے
Ek Jagah Hun Phir Wahan Ek Yaad Rah Jaane Ke Baad In Urdu By Famous Poet Javed Shaheen. Ek Jagah Hun Phir Wahan Ek Yaad Rah Jaane Ke Baad is written by Javed Shaheen. Enjoy reading Ek Jagah Hun Phir Wahan Ek Yaad Rah Jaane Ke Baad Poem on Inspiration for Students, Youth, Girls and Boys by Javed Shaheen. Free Dowlonad Ek Jagah Hun Phir Wahan Ek Yaad Rah Jaane Ke Baad by Javed Shaheen in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends