عجب سی کوئی بے یقیں رات تھی
عجب سی کوئی بے یقیں رات تھی
کہیں تھوڑا دن تھا کہیں رات تھی
گرفتار تھی درد زہ میں بہت
وہ تخلیق کی اولیں رات تھی
تھیں چیزیں جہاں شکل پانے کے بعد
وہیں دن بھی تھا اور وہیں رات تھی
کہاں تھی یہ جب تک کہ ظاہر نہ تھی
فلک پر کہ زیر زمیں رات تھی
مرے ساتھ جو میرے بستر میں تھی
وہ سب سے زیادہ حسیں رات تھی
نکلتی تھی جو روشنی دیکھنے
کسی تیرہ گھر کی مکیں رات تھی
ملے بھی تو بکھرے ہوئے ماہ و سال
کہیں دن پڑا تھا کہیں رات تھی
کسی خار مانند چبھتی رہی
بظاہر بڑی مخملیں رات تھی
تھا ناراض دن میرے اک فعل پر
کسی بات پر خشمگیں رات تھی
زیادہ ہی گہری تھی شاہیںؔ شفق
بڑی دیر تک آتشیں رات تھی
جاوید شاہین 
(812) ووٹ وصول ہوئے
Ajab Si Koi Be-yaqin Raat Thi In Urdu By Famous Poet Javed Shaheen. Ajab Si Koi Be-yaqin Raat Thi is written by Javed Shaheen. Enjoy reading Ajab Si Koi Be-yaqin Raat Thi Poem on Inspiration for Students, Youth, Girls and Boys by Javed Shaheen. Free Dowlonad Ajab Si Koi Be-yaqin Raat Thi by Javed Shaheen in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends