BaDi Mushkilon Se
baDi mushkilon se
dard-e-zeh mein mubtala chup ne
ek aawaz ko janam diya
main ne use god le liya
pal-pos kar baDa kiya
aur us ki zaban par
ek lafz rakha
magar wo gungi nikli
main ne mayusi mein
use qatl kar diya
aur pakDa gaya
lash Thikane lagate waqt
mujh par muqaddama chala
qatl ke ilzam mein
magar mujhe phansi ki saza hui
ek lafz
kisi zaban par rakhne ke jurm mein
Javed Shaheen 
(804) Peoples Rate This