پیاسی تھی یہ خود مرے لہو کی
پیاسی تھی یہ خود مرے لہو کی
تھی تیز چھری رگ گلو کی
دل کھو کے نہ میں نے جستجو کی
سمجھا تھا کہ بوند تھی لہو کی
تم پاس جو آئے کھو گئے ہم
جب تم نہ ملے تو جستجو کی
سب زخم کے ٹانکے ساتھ ٹوٹے
حاجت نہ رہی کوئی رفو کی
خود کھو گئے ہم جہاں میں آخر
اس حد پہ کسی کی جستجو کی
دیکھا کہ زمیں سے آگ نکلی
جب بوند ٹپک پڑی لہو کی
روئی وہاں شمع یاں ہنسے پھول
وہ قبر مری تھی یہ عدو کی
وہ سامنے آئے غش ہوئے یہ
موسیٰ کی نظر کہاں پہ چوکی
تیروں پہ کسی کے بانٹ بھی دوں
کھائی تھی قسم اسی لہو کی
اس داغ کو میں نے دل میں رکھا
دشمن نے نہ جس کی آرزو کی
جاویدؔ وہ لاش کیوں اٹھائیں
مرضی بھی تو پوچھ لیں عدو کی
جاوید لکھنوی 
(713) ووٹ وصول ہوئے
Pyasi Thi Ye KHud Mere Lahu Ki In Urdu By Famous Poet Javed Lakhnvi. Pyasi Thi Ye KHud Mere Lahu Ki is written by Javed Lakhnvi. Enjoy reading Pyasi Thi Ye KHud Mere Lahu Ki Poem on Inspiration for Students, Youth, Girls and Boys by Javed Lakhnvi. Free Dowlonad Pyasi Thi Ye KHud Mere Lahu Ki by Javed Lakhnvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends