Nind Aankhon Mein Hai Kam Kam Mujhe Aawaz Na Do
nind aankhon mein hai kam kam mujhe aawaz na do
jag jaega koi gham mujhe aawaz na do
yun bhi raftar-e-dil-e-zar hai maddham maddham
aur ho jaegi maddham mujhe aawaz na do
nim-KHamosh hai saz-e-rag-e-jaan ka har tar
tar ho jaenge barham mujhe aawaz na do
baad muddat ke zara dil ko qarar aaya hai
jaane kya dil ka ho aalam mujhe aawaz na do
Javed Kamal Rampuri 
(969) Peoples Rate This