کرتا ہے بے کار کی باتیں کام کی کوئی بات نہیں
کرتا ہے بے کار کی باتیں کام کی کوئی بات نہیں
غیروں جیسی بات ہے تیری اپنوں جیسی بات نہیں
جام سبھی کے ہاتھوں میں ہے ہاتھ ہمارے خالی ہیں
کھلم کھلا نا انصافی ساقی اچھی بات نہیں
محفل میں جس کو بھی دیکھو روٹھا روٹھا لگتا ہے
کڑواہٹ ہے آوازوں میں کوئی میٹھی بات نہیں
کلمہ تیرا سپنا تیرا فکر تری اور تیرا خیال
صرف تری ہی بات زباں پر اور کسی کی بات نہیں
کہنے کو تو کہہ دی تو نے اپنے دل کی ساری بات
سچائی ہے لیکن یہ کہ یہ بھی ساری بات نہیں
کیسے ملیں ہم تم سے یارو کیسے بلائیں گھر اپنے
غم ہی غم ہیں پاس ہمارے کوئی خوشی کی بات نہیں
نا انصافی ہر جانب ہے ہر سو ظلمت ہی ظلمت
دیکھ کے یہ سب کیوں سب چپ ہیں کہتے حق کی بات نہیں
پہلے کیا کیا کچھ کہہ ڈالا پھر یہ کہہ کر صاف گئے
کر ڈالی ہے بھول زباں نے سوچی سمجھی بات نہیں
تیرے لئے ہی جیتا ہوں اور تیرے لئے ہی مرتا ہوں
منہ دیکھی جاویدؔ ہیں باتیں دل سے نکلی بات نہیں
جاوید جمیل 
(806) ووٹ وصول ہوئے
Karta Hai Bekar Ki Baaten Kaam Ki Koi Baat Nahin In Urdu By Famous Poet Javed Jameel. Karta Hai Bekar Ki Baaten Kaam Ki Koi Baat Nahin is written by Javed Jameel. Enjoy reading Karta Hai Bekar Ki Baaten Kaam Ki Koi Baat Nahin Poem on Inspiration for Students, Youth, Girls and Boys by Javed Jameel. Free Dowlonad Karta Hai Bekar Ki Baaten Kaam Ki Koi Baat Nahin by Javed Jameel in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends