Meri Chah Mein Mere Ishq Mein Tu Kabhi Kisi Se LaDa Nahin
meri chah mein mere ishq mein tu kabhi kisi se laDa nahin
isi bhul ka ye azab hai tu mera nahin main tera nahin
tha gulab main thi ye aarzu tere gesuon mein khilun kabhi
nahin khil saka to ye jaan le ye teri hai meri KHata nahin
teri yaad mujh se bahut laDi mere ang ang mein zaKHm hai
main taDapta rahta hun dard se tujhe fikr meri zara nahin
mera dil to tere hi pas hai tu ise khangal ke dekh le
wahan tu hi tu hai har ek taraf wahan kuchh bhi tere siwa nahin
tere ishq se mujhe kya mila meri zindagi hui maut si
mujhe ab talash sukun ki hai mujhe ab junun-e-hina nahin
mujhe aisi zat se ishq hai jo ho mehrban to maut kab
hai fanaiyat mein nihan baqa hai baqa agar to fana nahin
Javed Jameel 
(779) Peoples Rate This