ہمسائے کے نام
کچھ تم نے کہا
کچھ میں نے کہا
اور بڑھتے بڑھتے بات بڑھی
دل اوب گیا
دل ڈوب گیا
اور گہری کالی رات بڑھی
تم اپنے گھر
میں اپنے گھر
سارے دروازے بند کئے
بیٹھے ہیں کڑوے گھونٹ پئے
اوڑھے ہیں غصے کی چادر
کچھ تم سوچو
کچھ میں سوچوں
کیوں اونچی ہیں یہ دیواریں
کب تک ہم ان پر سر ماریں
کب تک یہ اندھیرے رہنے ہیں
کینہ کے یہ گھیرے رہنے ہیں
چلو اپنے دروازے کھولیں
اور گھر کے باہر آئیں ہم
دل ٹھہرے جہاں ہیں برسوں سے
وہ اک نکڑ ہے نفرت کا
کب تک اس نکڑ پر ٹھہریں
اب اس کے آگے جائیں ہم
بس تھوڑی دور اک دریا ہے
جہاں ایک اجالا بہتا ہے
واں لہروں لہروں ہیں کرنیں
اور کرنوں کرنوں ہیں لہریں
ان کرنوں میں
ان لہروں میں
ہم دل کو خوب نہانے دیں
سینوں میں جو اک پتھر ہے
اس پتھر کو گھل جانے دیں
دل کے اک کونے میں بھی چھپی
گر تھوڑی سی بھی نفرت ہے
اس نفرت کو دھل جانے دیں
دونوں کی طرف سے جس دن بھی
اظہار ندامت کا ہوگا
تب جشن محبت کا ہوگا
جاوید اختر 
(1735) ووٹ وصول ہوئے
Ham-sae Ke Nam In Urdu By Famous Poet Javed Akhtar. Ham-sae Ke Nam is written by Javed Akhtar. Enjoy reading Ham-sae Ke Nam Poem on Inspiration for Students, Youth, Girls and Boys by Javed Akhtar. Free Dowlonad Ham-sae Ke Nam by Javed Akhtar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends