تم کہو تو کہوں
حرف کے تار میں جتنے آنسو پروئے گئے
درد ان سے فزوں تھا
سنو تو کہوں
تم کہو تو کہوں ظرف کی داستاں
کھیتیوں کو گلہ بادلوں سے نہیں سورجوں سے بھی تھا
بازووں سے بھی تھا ہل پکڑنے سے پہلے ہی جو تھک گئے
کشت زرخیز پر آب نمکین جم سا گیا
رقص تھم سا گیا
ایڑیاں گھومتے گھومتے رک گئیں
اشک رخسار کی گھاٹیوں سے گرا منجمد ہو گیا
رنگ خوشبو بنا تو ہوا چل پڑی
خواب ناطہ بنا تو کھلی کھڑکیوں میں سلاخیں اگیں
ہاتھ زخمی ہوئے
کس کے کشکول سے کتنے سکے گرے
ہجر کیسا پرندے کی آنکھوں میں تھا
گھاؤ کیسے پہاڑوں کے سینے پہ تھے
آئنہ گنگ تھا
فرش پر عکس دھم سے گرا
کرچیاں ہو گیا
تم کہو تو گنوں
تم کہو تو چنوں
تم کہو تو سنوں ان کھلے پھول کی دھڑکنیں
گمشدہ تتلیوں کی صدا
زرد ٹہنی کے ہونٹوں پہ رکھی ہوئی بد دعا
آسمانوں کی دہلیز پر پھینک دوں
تم کہو تو دکھاؤں تمہیں
اک تماشہ کہ جو میری مٹھی میں ہے
ایک گردن کہ جو غم کے پھندے میں ہے
سانس چلتی بھی ہے اور چلتی نہیں
جاں نکلتی نہیں
جاوید انور 
(880) ووٹ وصول ہوئے
Tum Kaho To Kahun In Urdu By Famous Poet Javaid Anwar. Tum Kaho To Kahun is written by Javaid Anwar. Enjoy reading Tum Kaho To Kahun Poem on Inspiration for Students, Youth, Girls and Boys by Javaid Anwar. Free Dowlonad Tum Kaho To Kahun by Javaid Anwar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends