مجھے شام آئی ہے شہر میں
میں سفر میں ہوں
مرے جسم پر
ہیں ہزار رنگوں کی یورشیں
کہیں سرخ پھول کھلا ہوا
کہیں نیل ہے
کہیں سبز رنگ ہے زہر کا
مگر آئنہ شب شہر کا
مری ڈھال ہے
جو وصال ہے
وہی اصل ہجر مثال ہے
مرے سامنے وہی راستے
وہی بام و در
وہی سنگ ہیں وہی سولیاں
مجھے شام آئی ہے شہر میں
مجھے شام آئی ہے شہر میں
جہاں آسماں کی وسعتوں سے
سوال کاسہ بدست لوٹے تھے
یاد ہے
شب حیلہ جو تجھے یاد ہے
وہ صلیب
جس پہ مچان نجم سحر کی تھی
وہ خطیب
جس کا خطاب ابرو ہوا سے تھا
وہ صدائے ضبط عجیب تھی
کہیں کوڑھیوں کی شفا بنی
کہیں ابر و باد سے
چوب خشک تڑخ رہی تھی سویر سے
بڑی دیر سے یہاں مرقدوں کے گلاب
پاؤں کی دھول ہیں
میں سفر میں ہوں
مجھے شام آئی ہے شہر میں
مرے ہاتھ میں بھی کمان ہے
مجھے تیر دے
جاوید انور 
(784) ووٹ وصول ہوئے
Mujhe Sham Aai Hai Shahr Mein In Urdu By Famous Poet Javaid Anwar. Mujhe Sham Aai Hai Shahr Mein is written by Javaid Anwar. Enjoy reading Mujhe Sham Aai Hai Shahr Mein Poem on Inspiration for Students, Youth, Girls and Boys by Javaid Anwar. Free Dowlonad Mujhe Sham Aai Hai Shahr Mein by Javaid Anwar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends