ایک انتہائی غیر جذباتی رپورٹ
سورج ڈھلتا ہے
اور بم گرتا ہے
اور بم گرتے ہیں
سورج ڈھلنے سے
سورج چڑھنے تک
چڑھے ہوئے دن میں بھی ادھر ادھر
بم گرتے رہتے ہیں
لیکن کوئی چیخ سنائی نہیں دیتی
پہلے دیتی تھی
اب کوئی نہیں روتا
گہرے گہرے گڑھے ہیں اور گڑھوں
میں
گلتا ہوا انسانی ماس ہے بچا کھچا
اور چاروں جانب
اینٹیں پتھر سریا ٹوٹے ہوئے
دروازے کھڑکیاں کتا بلی چیل
اور ڈرے ڈرے کچھ لوگ
ادھر ادھر سے جھانکتے ہیں
ادھر ادھر چھپ جاتے ہیں
بم گرتا ہے
لیکن ایک کھنڈر میں سگریٹ جلتا ہے
بجھتا ہے
جلتا ہے
ڈر غصے میں ڈھلتا ہے
راکٹ چلتا ہے
راکٹ چلتا ہے
دنیا چیختی ہے
اور بم گرتا ہے
تو
کسی کو سنائی نہیں دیتا
کسی کو دکھائی نہیں دیتا
جاوید انور 
(808) ووٹ وصول ہوئے
Ek Intihai Ghair-jazbaati Report In Urdu By Famous Poet Javaid Anwar. Ek Intihai Ghair-jazbaati Report is written by Javaid Anwar. Enjoy reading Ek Intihai Ghair-jazbaati Report Poem on Inspiration for Students, Youth, Girls and Boys by Javaid Anwar. Free Dowlonad Ek Intihai Ghair-jazbaati Report by Javaid Anwar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends