کیا یقیں اور کیا گماں چپ رہ
کیا یقیں اور کیا گماں چپ رہ
شام کا وقت ہے میاں چپ رہ
ہو گیا قصۂ وجود تمام
ہے اب آغاز داستاں چپ رہ
میں تو پہلے ہی جا چکا ہوں کہیں
تو بھی جاناں نہیں یہاں چپ رہ
تو اب آیا ہے حال میں اپنے
جب زمیں ہے نہ آسماں چپ رہ
تو جہاں تھا جہاں جہاں تھا کبھی
تو بھی اب تو نہیں وہاں چپ رہ
ذکر چھیڑا خدا کا پھر تو نے
یاں ہے انساں بھی رائیگاں چپ رہ
سارا سودا نکال دے سر سے
اب نہیں کوئی آستاں چپ رہ
اہرمن ہو خدا ہو یا آدم
ہو چکا سب کا امتحاں چپ رہ
درمیانی ہی اب سبھی کچھ ہے
تو نہیں اپنے درمیاں چپ رہ
اب کوئی بات تیری بات نہیں
نہیں تیری تری زباں چپ رہ
ہے یہاں ذکر حال موجوداں
تو ہے اب از گزشتگاں چپ رہ
ہجر کی جاں کنی تمام ہوئی
دل ہوا جونؔ بے اماں چپ رہ
جون ایلیا 
(2640) ووٹ وصول ہوئے
Kya Yaqin Aur Kya Guman Chup Rah In Urdu By Famous Poet Jaun Eliya. Kya Yaqin Aur Kya Guman Chup Rah is written by Jaun Eliya. Enjoy reading Kya Yaqin Aur Kya Guman Chup Rah Poem on Inspiration for Students, Youth, Girls and Boys by Jaun Eliya. Free Dowlonad Kya Yaqin Aur Kya Guman Chup Rah by Jaun Eliya in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends