کام مجھ سے کوئی ہوا ہی نہیں
کام مجھ سے کوئی ہوا ہی نہیں
بات یہ ہے کہ میں تو تھا ہی نہیں
مجھ سے بچھڑی جو موج نکہت یار
پھر میں اس شہر میں رہا ہی نہیں
کس طرح ترک مدعا کیجے
جب کوئی اپنا مدعا ہی نہیں
کون ہوں میں جو رائیگاں ہی گیا
کون تھا جو کبھی ملا ہی نہیں
ہوں عجب عیش غم کی حالت میں
اب کسی سے کوئی گلہ ہی نہیں
بات ہے راستے پہ جانے کی
اور جانے کا راستہ ہی نہیں
ہے خدا ہی پہ منحصر ہر بات
اور آفت یہ ہے خدا ہی نہیں
دل کی دنیا کچھ اور ہی ہوتی
کیا کہیں اپنا بس چلا ہی نہیں
اب تو مشکل ہے زندگی دل کی
یعنی اب کوئی ماجرا ہی نہیں
ہر طرف ایک حشر برپا ہے
جونؔ خود سے نکل کے جا ہی نہیں
موج آتی تھی ٹھہرنے کی جہاں
اب وہاں خیمۂ صبا ہی نہیں
جون ایلیا 
(3257) ووٹ وصول ہوئے
Kaam Mujhse Koi Hua Hi Nahin In Urdu By Famous Poet Jaun Eliya. Kaam Mujhse Koi Hua Hi Nahin is written by Jaun Eliya. Enjoy reading Kaam Mujhse Koi Hua Hi Nahin Poem on Inspiration for Students, Youth, Girls and Boys by Jaun Eliya. Free Dowlonad Kaam Mujhse Koi Hua Hi Nahin by Jaun Eliya in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends