بزم سے جب نگار اٹھتا ہے
بزم سے جب نگار اٹھتا ہے
میرے دل سے غبار اٹھتا ہے
میں جو بیٹھا ہوں تو وہ خوش قامت
دیکھ لو بار بار اٹھتا ہے
تیری صورت کو دیکھ کر مری جاں
خود بخود دل میں پیار اٹھتا ہے
اس کی گل گشت سے روش بہ روش
رنگ ہی رنگ یار اٹھتا ہے
تیرے جاتے ہی اس خرابے سے
شور گریہ ہزار اٹھتا ہے
کون ہے جس کو جاں عزیز نہیں
لے ترا جاں نثار اٹھتا ہے
صف بہ صف آ کھڑے ہوئے ہیں غزال
دشت سے خاکسار اٹھتا ہے
ہے یہ تیشہ کہ ایک شعلہ سا
بر سر کہسار اٹھتا ہے
کرب تنہائی ہے وہ شے کہ خدا
آدمی کو پکار اٹھتا ہے
تو نے پھر کسب زر کا ذکر کیا
کہیں ہم سے یہ بار اٹھتا ہے
لو وہ مجبور شہر صحرا سے
آج دیوانہ وار اٹھتا ہے
اپنے یاں تو زمانے والوں کا
روز ہی اعتبار اٹھتا ہے
جونؔ اٹھتا ہے یوں کہو یعنی
میرؔ و غالبؔ کا یار اٹھتا ہے
جون ایلیا 
(2724) ووٹ وصول ہوئے
Bazm Se Jab Nigar UThta Hai In Urdu By Famous Poet Jaun Eliya. Bazm Se Jab Nigar UThta Hai is written by Jaun Eliya. Enjoy reading Bazm Se Jab Nigar UThta Hai Poem on Inspiration for Students, Youth, Girls and Boys by Jaun Eliya. Free Dowlonad Bazm Se Jab Nigar UThta Hai by Jaun Eliya in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends