KHalwat
mujhe tum apni banhon mein jakaD lo aur main tum ko
kisi bhi dil-kusha jazbe se yaksar na-shanasana
nashat-e-rang ki sarshaari-e-haalat se begana
mujhe tum apni banhon mein jakaD lo aur main tum ko
fusun-kara nigara nau-bahaara aarzu-ara
bhala lamhon ka meri aur tumhaari KHwab-parwar
aarzu-mandi ki sarshaari se kya rishta
hamari bahami yaadon ki dildari se kya rishta
mujhe tum apni banhon mein jakaD lo aur main tum ko
yahan ab tisra koi nahin yani mohabbat bhi
Jaun Eliya 
(2526) Peoples Rate This