Wo Nazron Se Meri Nazar KaTta Hai
wo nazron se meri nazar kaTta hai
mohabbat ka pahla asar kaTta hai
mujhe ghar mein bhi chain paDta nahin tha
safar mein hun ab to safar kaTta hai
ye man ki duaen hifazat karengi
ye tawiz sab ki nazar kaTta hai
tumhaari jafa par main ghazlen kahunga
suna hai hunar ko hunar kaTta hai
ye firqa-parasti ye nafrat ki aandhi
paDosi paDosi ka sar kaTta hai
Jatinder Parwaaz 
(1303) Peoples Rate This